ਕੋਰੋਨਾਵਾਇਰਸ ਦੀ ਦੂਜੀ ਲਹਿਰ ਤੋਂ ਸੰਭਲਣ ਦੀ ਲੋੜ – ਡਾ. ਐਸ਼ਲੇ ਬਲੂਮਫੀਲਡ

ਵੈਲਿੰਗਟਨ, 5 ਅਗਸਤ – ਦੇਸ਼ ਦੇ ਚੋਟੀ ਦੇ ਸਿਹਤ ਅਧਿਕਾਰੀ ਨੇ ਅੱਜ ਇੱਕ ਸਖ਼ਤ ਚੇਤਾਵਨੀ ਦੁਹਰਾਉਂਦਿਆਂ ਕਿਹਾ ਕਿ ਨਿਊਜ਼ੀਲੈਂਡ ਨੂੰ ਕੋਵਿਡ -19 ਦੀ ਸੰਭਾਵਿਤ ਦੂਜੀ ਲਹਿਰ ਨੂੰ ਕਮਿਊਨਿਟੀ ਵਿੱਚ ਫੈਲਣ ਤੋਂ ਸੰਭਲਣਾ ਚਾਹੀਦਾ ਹੈ, ਇਹ ਵਿਕਟੋਰੀਆ ਵਿੱਚ ਫੈਲਣ ਵਾਲੀ ਤਬਾਹੀ ਵਾਂਗ ਹੀ ਹੈ।
ਡਾਇਰੈਕਟਰ ਜਨਰਲ ਆਫ਼ ਹੈਲਥ ਡਾ. ਐਸ਼ਲੇ ਬਲੂਮਫੀਲਡ ਨੇ ਕਿਹਾ ਕਿ ਸਿਹਤ ਮੰਤਰਾਲੇ ਨੇ ਪਿਛਲੇ ਹਫ਼ਤਿਆਂ ਵਿੱਚ ਕਮਿਊਨਿਟੀ ਟਰਾਂਸਮਿਸ਼ਨ ਦੇ ਸੰਚਾਰ ਦੀ ਸੰਭਾਵਨਾ ਬਾਰੇ ਚੇਤਾਵਨੀ ਦਿੱਤੀ ਸੀ ਅਤੇ ਹੁਣ ਸੰਭਾਵਿਤ ਸੰਭਾਵਨਾ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਨਿਊਜ਼ੀਲੈਂਡ ਵਿੱਚ ਕੋਵਿਡ -19 ਦੇ ਕਮਿਊਨਿਟੀ ਟਰਾਂਸਮਿਸ਼ਨ ਦੇ ਆਖ਼ਰੀ ਕੇਸ ਦੇ ਸਬੂਤ ਨੂੰ ਤਿੰਨ ਮਹੀਨਿਆਂ ਤੋਂ ਵੱਧ ਹੋਏ ਹਨ, ਪਿਛਲੇ 95 ਦਿਨਾਂ ਵਿੱਚ, ਕੋਵਿਡ ਦੀਆਂ ਸਾਰੀਆਂ ਲਾਗਾਂ (ਇਨਫੈਕਸ਼ਨ) ਦਾ ਪਤਾ ਲਗਾਇਆ ਗਿਆ ਹੈ ਅਤੇ ਸਰਹੱਦ ‘ਤੇ ਪਾਇਆ ਗਈਆਂ ਹਨ ਕਿਉਂਕਿ ਉਨ੍ਹਾਂ ‘ਚ ਕੋਵਿਡ ਦੀ ਬਿਮਾਰ ਤੋਂ ਪ੍ਰਭਾਵਿਤ ਲੋਕ ਨਿਊਜ਼ੀਲੈਂਡ ਵਾਪਸ ਆਏ ਹਨ, ਇਸ ਵੇਲੇ ਕੁਆਰੰਟੀਨ ਵਿੱਚ 22 ਐਕਟਿਵ ਕੇਸ ਹਨ। ਜਿੱਥੇ ਕੀਵੀਆਂ ਦੀ ਬਹੁਗਿਣਤੀ ਲੋਕਾਂ ਦੀ ਜ਼ਿੰਦਗੀ ਆਮ ਵਾਂਗ ਹੋ ਗਈ ਹੈ, ਉੱਥੇ ਡੂੰਘੇ ਪਾਰ ਕੋਵਿਡ -19 ਮਹਾਂਮਾਰੀ ਦੀ ਇਕ ਤਾਜ਼ਾ ਮਾਰੂ ਲਹਿਰ ਵਿਕਟੋਰੀਆ ਵਿੱਚ ਤਬਾਹੀ ਦੀ ਸਥਿਤੀ ਵਜੋਂ ਵੇਖੀ ਗਈ ਹੈ ਜਿਸ ਦੌਰਾਨ ਸਮੁੱਚੇ ਰਾਜ ਵਿੱਚ ਸਖ਼ਤ ਲੌਕਡਾਉਨ ਨਿਯਮਾਂ ਅਤੇ ਲਾਜ਼ਮੀ ਮਾਸਕ ਪਾਉਣ ਦੇ ਹਾਲਾਤ ਦੇਖੇ ਗਏ ਹਨ।
ਉਨ੍ਹਾਂ ਕਿਹਾ ਅਸੀਂ ਆਪਣੇ ਇੱਥੇ ਅਜਿਹੀ ਸਥਿਤੀ ਨਹੀਂ ਚਾਹੁੰਦੇ ਕਿਉਂਕਿ ਇਹ ਇੱਕ ਟ੍ਰਿਕੀ ਵਾਇਸ ਹੈ ਅਤੇ ਸਾਨੂੰ ਸਾਰਿਆਂ ਨੂੰ ਚੌਕਸ ਰਹਿਣ ਦੀ ਲੋੜ ਹੈ।ਇਸੇ ਲਈ ਕਮਿਊਨਿਟੀ ਵਿੱਚ ਟੈਸਟਿੰਗ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਕੋਨਟੈਕਟ ਟਰੇਸਿੰਗ ਦਾ ਪਤਾ ਲਗਾਉਣ ਲਈ ਕੁੱਝ ਹਫ਼ਤਿਆਂ ਦੇ ਸਮੇਂ ਵਿੱਚ ਵੱਡੇ ਪੱਧਰ ‘ਤੇ ਟੈੱਸਟ ਚਲਾਉਣ ਦੀ ਯੋਜਨਾ ਬਣਾਈ ਗਈ ਹੈ। ਹੁਣ ਟੈੱਸਟ ਕਰਨ ਦੀ ਸਮਰੱਥਾ ਇੱਕ ਦਿਨ ਵਿੱਚ 3000 ਕੇਸਾਂ ਤੋਂ ਉੱਪਰ ਹੈ।