ਗੁਰਦੁਆਰਾ ਕਮੇਟੀ ਇਨਸਾਫ ਦੀ ਆਵਾਜ਼ ਬੁਲੰਦ ਕਰਣ ਲਈ ਕੱਢੇਗੀ ਵਾਕ ਫਾਰ ਜਸਟਿਸ

 ਨਵੀਂ ਦਿੱਲੀ, 6 ਫਰਵਰੀ – ਸੰਸਾਰ ਭਰ ਵਿੱਚ ਵਸਦੇ ਸਿੱਖਾਂ ਨੂੰ ਅੱਜ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਪ੍ਰਦੇਸ਼ ਦੇ ਪ੍ਰਧਾਨ ਮਨਜੀਤ ਸਿੰਘ ਜੀ. ਕੇ. ਵੱਲੋਂ ਆਉਣ ਵਾਲੇ ਸੋਮਵਾਰ 10 ਫਰਵਰੀ 2014 ਨੂੰ ਆਪਣੇ ਸ਼ਹਿਰ ਅਤੇ ਮੋਹੱਲੇ ਵਿਖੇ “ਵਾਕ ਫਾਰ ਜਸਟਿਸ” ਮਾਰਚ ਕੱਢਣ ਦੀ ਅਪੀਲ ਕੀਤੀ ਗਈ। ਇਨਸਾਫ ਲਈ ਕਦਮਤਾਲ ਕਰਣ ਵਾਲੇ ਲੋਕਾਂ ਤੋਂ ਹੱਥ ਵਿੱਚ ਮਸ਼ਾਲ ਲੈ ਕੇ ਚਲਣ ਦੀ ਗੱਲ ਕਰਦੇ ਹੋਏ ਉਨ੍ਹਾਂ ਨੇ ਇਸ ਨੂੰ ਸੁੱਤੀ ਹੋਈ ਕਾਂਗਰਸ ਸਰਕਾਰ ਨੂੰ ਸਿੱਖਾਂ ਦੇ ਮਸਲਿਆਂ ਤੇ ਨੀਂਦ ਤੋਂ ਜੱਗਾਉਣ ਦਾ ਪ੍ਰਤੀਕ ਵੀ ਦੱਸਿਆ। 1984 ਦੇ ਆਪਰੇਸ਼ਨ ਬਲੂ ਸਟਾਰ ਦਾ ਹਵਾਲਾ ਦਿੰਦੇ ਹੋਏ ਉਨ੍ਹਾਂ ਨੇ ਦਰਬਾਰ ਸਾਹਿਬ ਅਮ੍ਰਿਤਸਰ ‘ਤੇ ਫੌਜ ਵੱਲੋਂ ਕੀਤੇ ਗਏ ਹਮਲੇ ਅਤੇ ਨਵੰਬਰ 1984 ਕਤਲੇਆਮ ਨੂੰ ਸਰਕਾਰ………. ਪ੍ਰਾਯੋਜਿਤ ਅਤੇ ਗਿਣੀ ਮਿੱਥੀ ਸਾਜਿਸ਼ ਦੇ ਤਹਿਤ ਕੀਤਾ ਗਿਆ ਹਮਲਾ ਕਰਾਰ ਦਿੱਤਾ। ਕਿਉਂਕਿ ਯੂ. ਕੇ. ਸਰਕਾਰ ਵੀ ਉਕਤ ਆਪਰੇਸ਼ਨ ਵਿੱਚ ਆਪਣੀ ਸ਼ਮੁਲੀਅਤ ਕਬੂਲ ਚੁੱਕੀ ਹੈ। ਗੁਰਦੁਆਰਾ ਬੰਗਲਾ ਸਾਹਿਬ ਤੋਂ 10 ਫਰਵਰੀ ਸੋਮਵਾਰ ਸ਼ਾਮ ਨੂੰ ਪ੍ਰਧਾਨਮੰਤਰੀ ਦੇ ਨਿਵਾਸ ਵੱਲ ਅਤੇ 14 ਫਰਵਰੀ ਸੁਕਰਵਾਰ ਸ਼ਾਮ ਨੂੰ ਤਿਲਕ ਵਿਹਾਰ ਵਿਖੇ “ਵਾਕ ਫਾਰ ਜਸਟਿਸ” ਮਾਰਚ ਕੱਢਣ ਦਾ ਵੀ ਜੀ. ਕੇ. ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਐਲਾਨ ਕੀਤਾ। ਆਪਰੇਸ਼ਨ ਬਲੂ ਸਟਾਰ ਵਿਚ ਯੂ. ਕੇ. ਸਰਕਾਰ ਵੱਲੋਂ ਮਦਦ ਲੈਣ ਦੇ ਕਬੂਲਨਾਮੇ ਦੇ ਸਾਹਮਣੇ ਆਉਣ ਤੋਂ ਬਾਅਦ ਜੀ. ਕੇ. ਨੇ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਤੋਂ ਇਸ ਮਾਮਲੇ ਤੇ ਆਪਣੀ ਪਾਰਟੀ ਦਾ ਪੱਖ ਜਨਤਾ ਦੇ ਸਾਹਮਣੇ ਖੁਲਾਸਾ ਕਰਣ ਦੀ ਵਿਣਤੀ ਵੀ ਕੀਤੀ। ਦੇਸ਼ ਦੇ ਪ੍ਰਧਾਨਮੰਤਰੀ ਨੂੰ ਸਿੱਖ ਹੋਣ ਦੇ ਨਾਤੇ ਯੂ. ਕੇ. ਸਰਕਾਰ ਵੱਲੋਂ ਲਿਤੀ ਗਈ ਮਦਦ ਤੇ ਵੀ ਉਨ੍ਹਾਂ ਨੇ ਸਥਿਤੀ ਨੂੰ ਸਾਫ ਕਰਣ ਦੀ ਦੁਹਾਈ ਦਿੱਤੀ ਤਾਂ ਕਿ ਦੇਸ਼ ਨੂੰ ਪਤਾ ਚਲ ਸਕੇ ਕਿ ਕਿਸ ਪ੍ਰਕਾਰ ਦੀ ਮਦਦ ਲਈ ਗਈ ਸੀ। ਦੇਸ਼ ਦੇ ਗ੍ਰਹਿ ਮੰਤਰੀ ਵੱਲੋਂ ਅਪ੍ਰੈਲ 2013 ਵਿੱਚ ਨਾਂਗਲੋਈ ਥਾਣੇ ਵਿੱਚ 1992 ਤੋਂ ਸੱਜਨ ਕੁਮਾਰ ਦੇ ਖਿਲਾਫ ਦਰਜ ਮੁਕਦਮੇ ਵਿੱਚ ਚਾਰਜਸ਼ੀਟ ਦਾਖਿਲ ਕਰਣ ਦੇ ਦਿੱਤੇ ਗਏ ਭਰੋਸੇ ਨੂੰ ਪੂਰਾ ਕਰਣ ਦਾ ਵੀ ਉਨ੍ਹਾਂ ਨੇ ਇਸ ਮੌਕੇ ਦੋਸ਼ ਲਗਾਇਆ। 2005 ਵਿੱਚ ਸੰਸਦ ਵਿਖੇ ਯੂ. ਪੀ. ਏ. ਸਰਕਾਰ ਵੱਲੋਂ 1984 ਨਸਲਕੁਸ਼ੀ ਦੇ ਸੰਬੰਧ ਵਿੱਚ ਰੱਖੀ ਗਈ ਏਕਸ਼ਨ ਟੇਕਨ ਰਿਪੋਰਟ ਦੀ ਗੱਲਬਾਤ ਕਰਦੇ ਹੋਏ ਜੀ. ਕੇ. ਨੇ ਰਾਹੁਲ ਗਾਂਧੀ ਤੋਂ ੯ ਸਾਲ ਦੇ ਬਾਅਦ ਵੀ ਇਸ ਰਿਪੋਰਟ ਤੇ ਕੋਈ ਕਾਰਵਾਈ ਨਾ ਕਰਣ ਦਾ ਵੀ ਕਾਰਣ ਪੁਛਿਆ। ਜਦੋਂ ਕਿ ਇਸ ਰਿਪੋਰਟ ਵਿੱਚ ਸੰਸਦ ਨੂੰ ਭਰੋਸਾ ਦਿੱਤਾ ਗਿਆ ਸੀ ਕਿ ਪੀੜਤ ਪਰਿਵਾਰਾ ਦੇ ਮੁੜ੍ਹ ਵਸੇਬੇ ਦੇ ਨਾਲ ਹੀ ਉਨ੍ਹਾਂ ਨੂੰ ਇਨਸਾਫ ਵੀ ਦਿਵਾਇਆ ਜਾਵੇਗਾ। ਆਰ. ਐਸ. ਐਸ. ਤੇ ਭਾਜਪਾ ਆਗੂਆਂ ਦੀ 1984 ਸਿੱਖ ਕਤਲੇਆਮ ਵਿੱਚ ਸ਼ਮੁਲੀਅਤ ਬਾਰੇ ਪੁੱਛੇ ਗਏ ਸਵਾਲ ਦੇ ਜਵਾਬ ਵਿੱਚ ਜੀ. ਕੇ. ਨੇ ਕਿਹਾ ਕਿ ਅਸੀਂ ਇਹ ਚਾਉਂਦੇ ਹਾਂ ਕਿ ਨਿਰਪੱਖ ਜਾਂਚ ਸਭ ਦੀ ਹੋਣੀ ਚਾਹੀਦੀ ਹੈ ਚਾਹੇ ਉਸ ਵਿੱਚ ਮੇਰੇ ਹੀ ਪਰਿਵਾਰ ਦਾ ਕੋਈ ਮੈਂਬਰ ਕਿਉਂ ਨਾ ਸ਼ਾਮਲ ਹੋਵੇ। ਦਿੱਲੀ ਕਮੇਟੀ ਦੇ ਜਨਰਲ ਸਕੱਤਰ ਮਨਜਿੰਦਰ ਸਿੰਘ ਸਿਰਸਾ ਨੇ ਯੂ. ਕੇ. ਸਰਕਾਰ ਵੱਲੋਂ ਆਪਰੇਸ਼ਨ ਬਲੂ ਸਟਾਰ ਦੇ ਵੇਲੇ ਲੀਤੀ ਗਈ ਮਦਦ ਨੂੰ ਦੇਸ਼ ਦੀ ਖੁੱਦ ਮੁੱਖਤਿਆਰੀ ਦੇ ਨਾਲ ਖਿਲਵਾੜ ਅਤੇ ਦੁਸਰੇ ਦੇਸ਼ ਨੂੰ ਆਪਣੇ ਅੰਦਰ ਕੇ ਮਾਮਲਿਆਂ ਵਿੱਚ ਦਖਲ ਦੇਣ ਦਾ ਕਾਂਗਰਸ ਸਰਕਾਰ ਤੇ ਆਰੋਪ ਲਗਾਉਂਦੇ ਹੋਏ ਇਸ ਮਾਮਲੇ ਤੇ ਭਾਰਤ ਸਰਕਾਰ ਤੋਂ ਜਵਾਬਤਲਬੀ ਵੀ ਕੀਤੀ। ਸਿਰਸਾ ਨੇ ਇੰਦਰਾ ਗਾਂਧੀ ਤੇ ਚੋਣਾਂ ਜਿੱਤਣ ਵਾਸਤੇ ਆਪਰੇਸ਼ਨ ਬਲੂ ਸਟਾਰ ਕਰਵਾਉਣ ਦਾ ਦੋਸ਼ ਲਗਾਉਂਦੇ ਹੋਏ ਦੱਸਿਆ ਕਿ ਇਕ ਪਾਸੇ ਤਾਂ ਇੰਦਰਾ ਗਾਂਧੀ ਸੰਤ ਜਰਨੈਲ ਸਿੰਘ ਜੀ ਭਿੰਡਰਾਵਾਲਿਆ ਨਾਲ ਫੌਨ ਤੇ ਰਾਫਤਾ ਕਾਇਮ ਕਰਦੇ ਸਨ ਤੇ ਦੂਜੇ ਪਾਸੇ ਸਿੱਖ ਕੌਮ ਨੂੰ ਮਿਟਾਉਣ ਵਾਸਤੇ ਇਸ ਆਪਰੇਸ਼ਨ ਨੂੰ ਕਰਣ ਦੀ ਵਿਉਂਤਬੰਦੀ ਕਰ ਰਹੇ ਸਨ। ਇਸ ਮੌਕੇ ਦਿੱਲੀ ਕਮੇਟੀ ਦੇ ਸੀਨੀਅਰ ਮੀਤ ਪ੍ਰਧਾਨ ਰਵਿੰਦਰ ਸਿੰਘ ਖੁਰਾਨਾ, ਸੀਨੀਅਰ ਅਕਾਲੀ ਆਗੂ ਉਂਕਾਰ ਸਿੰਘ ਥਾਪਰ, ਕੁਲਦੀਪ ਸਿੰਘ ਭੌਗਲ, ਦਿੱਲੀ ਕਮੇਟੀ ਮੈਂਬਰ ਹਰਦੇਵ ਸਿੰਘ ਧਨੋਆ, ਚਮਨ ਸਿੰਘ, ਗੁਰਮੀਤ ਸਿੰਘ ਮੀਤਾ, ਪਰਮਜੀਤ ਸਿੰਘ ਰਾਣਾ, ਪਰਮਜੀਤ ਸਿੰਘ ਚੰਢੋਕ, ਐਮ. ਪੀ. ਐਸ. ਚੱਡਾ, ਹਰਜਿੰਦਰ ਸਿੰਘ, ਮਨਮੋਹਨ ਸਿੰਘ, ਸਤਪਾਲ ਸਿੰਘ, ਕੁਲਮੋਹਨ ਸਿੰਘ, ਬੀਬੀ ਧੀਰਜ ਕੌਰ, ਜਤਿੰਦਰ ਪਾਲ ਸਿੰਘ ਗੋਲਡੀ, ਅਤੇ ਸ਼੍ਰੋਮਣੀ ਕਮੇਟੀ ਮੈਂਬਰ ਗੁਰਮਿੰਦਰ ਸਿੰਘ ਮਠਾਰੂ ਮੌਜੂਦ ਸਨ।