ਵੈਲਿੰਗਟਨ, 23 ਸਤੰਬਰ (ਕੂਕ ਪੰਜਾਬੀ ਸਮਾਚਾਰ) – ਨਿਊਜ਼ੀਲੈਂਡ ‘ਚ ਕੋਵਿਡ -19 ਦੇ ਕਮਿਊਨਿਟੀ ਨਾਲ ਸੰਬੰਧਿਤ ਅੱਜ 15 ਹੋਰ ਨਵੇਂ ਕੇਸ ਸਾਹਮਣੇ ਆਏ ਹਨ। ਅੱਜ ਮੈਨੇਜਡ ਆਈਸੋਲੇਸ਼ਨ ‘ਚੋਂ 2 ਨਵੇਂ ਕੇਸ ਆਏ ਹਨ।
ਡਾਇਰੈਕਟਰ ਜਨਰਲ ਆਫ਼ ਹੈਲਥ ਡਾ. ਐਸ਼ਲੇ ਬਲੂਮਫੀਲਡ ਨੇ ਕਿਹਾ ਕਿ ਅੱਜ ਦੇ 15 ਨਵੇਂ ਕੇਸਾਂ ਵਿੱਚੋਂ 3 ਕੇਸ ਅਣਲਿੰਕ ਹੈ। ਅੱਜ ਦੇ ਇਨ੍ਹਾਂ ਨਵੇਂ 15 ਕੇਸਾਂ ਨਾਲ ਡੈਲਟਾ ਪ੍ਰਕੋਪ ਦੇ ਕੇਸਾਂ ਦੀ ਕੁੱਲ ਸੰਖਿਆ ਨੂੰ 1123 ਤੱਕ ਹੋ ਗਈ ਹੈ। ਹਸਪਤਾਲ ਵਿੱਚ 15 ਮਰੀਜ਼ ਹਨ ਜਿਨ੍ਹਾਂ ਵਿੱਚੋਂ 3 ਸਖ਼ਤ ਦੇਖਭਾਲ (ICU) ਵਿੱਚ ਹਨ। ਜਦੋਂ ਕਿ ਆਕਲੈਂਡ ਵਿੱਚ 844 ਕੇਸ ਅਤੇ ਵੈਲਿੰਗਟਨ ਦੇ ਸਾਰੇ 17 ਕੇਸ ਰਿਕਵਰ ਹੋ ਗਏ ਹਨ।
ਡਾ. ਬਲੂਮਫੀਲਡ ਨੇ ਐਲਾਨ ਕੀਤੀ ਕਿ ਮਾਊਂਟ ਵੈਲਿੰਗਟਨ ਦੇ ਉਪਨਗਰ ਨੂੰ ਹੁਣ ਇੰਟਰੈਸਟ ਆਫ਼ ਲਿਸਟ ਦੇ ਉਪਨਗਰਾਂ ਵਿੱਚ ਜੋੜ ਦਿੱਤਾ ਗਿਆ ਹੈ, ਜਦੋਂ ਕਿ ਇਸ ਦੌਰਾਨ ਮਾਊਂਟ ਈਡਨ, ਮੈਸੀ ਅਤੇ ਪਾਪਾਟੋਏਟੋਏ ਨੂੰ ਸੂਚੀ ਵਿੱਚੋਂ ਹਟਾ ਦਿੱਤਾ ਗਿਆ ਹੈ। ਕੱਲ੍ਹ ਦੇਸ਼ ਭਰ ‘ਚ 19,100 ਤੋਂ ਵੱਧ ਟੈੱਸਟ ਕੀਤੇ, ਜਿਨ੍ਹਾਂ ਵਿੱਚ ਆਕਲੈਂਡ ਵਿੱਚ 8370 ਟੈੱਸਟ ਕੀਤੇ ਗਏ।
ਪ੍ਰਧਾਨ ਮੰਤਰੀ ਜੈਸਿੰਡਾ ਆਰਡਰਨ ਦਾ ਕਹਿਣਾ ਹੈ ਕਿ ਉੱਚ ਟੀਕਾਕਰਣ ਦਰ ਨਿਊਜ਼ੀਲੈਂਡ ਲਈ ਇੱਕ ‘ਸੁਨਹਿਰੀ ਟਿਕਟ’ ਹੋਵੇਗੀ ਅਤੇ ਲੈਵਲ 4 ਦੇ ਲੌਕਡਾਉਨ ਨੂੰ ਅਤੀਤ ਦੀ ਗੱਲ ਬਣਾ ਦੇਵੇਗਾ। ਆਰਡਰਨ ਨੇ ਕਿਹਾ ਕਿ ਵੱਡੀ ਗਿਣਤੀ ਵਿੱਚ ਨਿਊਜ਼ੀਲੈਂਡ ਵਾਸੀਆਂ ਦੇ ਟੀਕਾਕਰਣ ਕੀਤਾ ਹੈ ਭਵਿੱਖ ਵਿੱਚ ਅਸੀਂ ਪ੍ਰਕੋਪ ਨਾਲ ਜਿਸ ਢੰਗ ਨਾਲ ਨਜਿੱਠਾਂਗੇ, ਉਹ ਵੱਖਰਾ ਹੋਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਉਹ ਉੱਚ ਪੱਧਰੀ ਟੀਕਾਕਰਣ ਦਾ ਉਦੇਸ਼ ਲੈ ਰਹੀ ਹੈ ਤਾਂ ਜੋ ਉੱਚਤਮ ਪੱਧਰ ਦੀ ਆਜ਼ਾਦੀ ਦਿੱਤੀ ਜਾ ਸਕੇ। ਉਨ੍ਹਾਂ ਨੇ ਕਿਹਾ ਕਿ ਇਹ ਸਾਡੇ ਸਭ ਤੋਂ ਛੋਟੀ ਉਮਰ ਦੇ ਬੱਚਿਆਂ ਦੇ ਲਈ ਸਰਬੋਤਮ ਪੱਧਰ ਦੀ ਸੁਰੱਖਿਆ ਪ੍ਰਦਾਨ ਕਰੇਗਾ, ਜਿਨ੍ਹਾਂ ਨੂੰ ਅਜੇ ਤੱਕ ਟੀਕਾ ਨਹੀਂ ਲਗਾਇਆ ਜਾ ਸਕਿਆ ਹੈ।
ਆਰਡਰਨ ਨੇ ਕਿਹਾ ਕਿ ਅਸੀਂ ਆਪਣੇ ਮੌਜੂਦਾ ਪ੍ਰਕੋਪ ਵਿੱਚ ਇਸ ਨੂੰ ਬਾਹਰ ਕਰਨ ਦੀ ਰਣਨੀਤੀ ‘ਤੇ ਮੋਹਰ ਲਗਾਉਣਾ ਜਾਰੀ ਰੱਖ ਰਹੇ ਹਾਂ। ਅੱਜ ਉੱਚ ਟੀਕਾਕਰਣ ਦਰਾਂ ਦੇ ਨਾਲ ਭਵਿੱਖ ਦੀ ਝਲਕ ਦਿੱਤੀ। ਉਨ੍ਹਾਂ ਨੇ ਕਿਹਾ ਕਿ ਇਸ ਮੌਜੂਦਾ ਪ੍ਰਕੋਪ ਵਿੱਚ 13 ਬੱਚੇ ਅਤੇ 12 ਸਾਲ ਤੋਂ ਘੱਟ ਉਮਰ ਦੇ 253 ਬੱਚੇ ਕੋਵਿਡ ਨਾਲ ਸੰਕਰਮਿਤ ਹੋਏ ਹਨ। ਆਰਡਰਨ ਨੇ ਕਿਹਾ ਕਿ ਸਰਕਾਰ ਲੰਬੇ ਸਮੇਂ ਵਿੱਚ ਕੋਵਿਡ ਨਾਲ ਨਜਿੱਠਣ ਬਾਰੇ ਫ਼ੈਸਲਿਆਂ ਦੀ ਜਾਣਕਾਰੀ ਦੇਣ ਵਿੱਚ ਸਹਾਇਤਾ ਲਈ ਬਹੁਤ ਸਾਰੀ ਜਾਣਕਾਰੀ ਅਤੇ ਮਾਡਲਿੰਗ ਲੈ ਰਹੀ ਹੈ।
ਆਰਡਰਨ ਨੇ ਕਿਹਾ ਕਿ ਟੀਕੇ ਮਾਇਨੇ ਰੱਖਦੇ ਹਨ ਅਤੇ ਸਮਾਜ ਵਿੱਚ ਸੁਤੰਤਰਤਾ ਪ੍ਰਾਪਤ ਕਰਨ ਵਿੱਚ ਸਹਾਇਤਾ ਕਰਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਟੀਕੇ ਦੇ ਸਰਟੀਫਿਕੇਟ ਸਰਕਾਰ ਦੇ ਕੋਵਿਡ ਰਿਸਪੋਂਸ ਵਿੱਚ ਇੱਕ ਲਾਈਵ ਬਹਿਸ ਹਨ। ਮੌਜੂਦਾ ਪ੍ਰਕੋਪ ਨੂੰ ਰੋਕਣ ਲਈ ਸਾਡੇ ਰਵਾਇਤੀ ਸਾਧਨਾਂ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਭਵਿੱਖ ਵਿੱਚ, ਸਰਕਾਰ ਇੱਕ ਅਜਿਹੇ ਭਵਿੱਖ ਦੇ ਵੱਲ ਦੇਖ ਰਹੀ ਸੀ ਜਿੱਥੇ ਪ੍ਰਕੋਪਾਂ ਦਾ ਮੁਕਾਬਲਾ ਕਰਨ ਲਈ ਵੱਖ-ਵੱਖ ਟੂਲਜ਼ ਦੀ ਵਰਤੋਂ ਕੀਤੀ ਜਾ ਸਕੇ।
