ਆਕਲੈਂਡ, 29 ਦਸੰਬਰ – ਨਿਊਜ਼ੀਲੈਂਡ ‘ਚ ਬਹੁਤ ਜ਼ਿਆਦਾ ਛੂਤ ਵਾਲੇ ਓਮੀਕਰੋਨ ਵੇਰੀਐਂਟ ਦੇ ਪਹਿਲੇ ਕਮਿਊਨਿਟੀ ਐਕਸਪੋਜਰ ਦੀ ਪੁਸ਼ਟੀ ਸਿਹਤ ਮੰਤਰਾਲੇ ਵੱਲੋਂ ਕੀਤੀ ਗਈ ਹੈ। ਸਿਹਤ ਮੰਤਰਾਲੇ ਦਾ ਕਹਿਣਾ ਹੈ ਕਿ ਪੂਰੇ ਜੀਨੋਮ ਸੀਕਵੈਂਸਿੰਗ ਨੇ ਓਮੀਕਰੋਨ ਦੇ ਬਾਰਡਰ ਨਾਲ ਸਬੰਧਿਤ ਕੇਸ ਦਾ ਪਤਾ ਲਗਾਇਆ ਸੀ ਜੋ ਥੋੜ੍ਹੇ ਸਮੇਂ ਲਈ ਕਮਿਊਨਿਟੀ ਵਿੱਚ ਸਰਗਰਮ ਸੀ।
ਉਹ ਵਿਅਕਤੀ ਹਾਲ ਹੀ ਵਿੱਚ ਆਇਆ ਸੀ ਜਿਸ ਨੇ ਆਪਣੀ ਸੈਲਫ਼-ਆਈਸੋਲੇਸ਼ਨ ਅਵਧੀ ਦੇ 9ਵੇਂ ਦਿਨ ਪਾਜ਼ੇਟਿਵ ਨਤੀਜਾ ਵਾਪਸ ਕੀਤਾ ਸੀ। ਮੰਤਰਾਲੇ ਨੇ ਕਿਹਾ ਕਿ ਉਸ ਵਿਅਕਤੀ ਨੇ ਪਹਿਲਾਂ ਆਕਲੈਂਡ ਸਹੂਲਤ ਵਿੱਚ ਸੱਤ ਦਿਨਾਂ ਦੇ ਮੈਨੇਜਡ ਆਈਸੋਲੇਸ਼ਨ ਨੂੰ ਪੂਰਾ ਕਰਦੇ ਹੋਏ ਕੋਵਿਡ -19 ਲਈ ਹੋਏ ਤਿੰਨ ਟੈੱਸਟਾਂ ਦਾ ਨਤੀਜਾ ਨੈਗੇਟਿਵ ਰਿਹਾ ਸੀ।
ਮੰਤਰਾਲਾ ਨੇ ਕਿਹਾ ਕਿ ਓਮੀਕਰੋਨ ਸੰਕਰਮਿਤ ਵਿਅਕਤੀ 16 ਦਸੰਬਰ ਨੂੰ ਦੋਹਾ ਦੇ ਰਸਤੇ ਯੂਨਾਈਟਿਡ ਕਿੰਗਡਮ ਤੋਂ ਇੱਕ ਫਲਾਈਟ ਰਾਹੀ ਨਿਊਜ਼ੀਲੈਂਡ ਪਹੁੰਚਿਆ ਸੀ ਅਤੇ ਉਹ ਐਮਆਰਐਨਏ (mRNA) ਵੈਕਸੀਨ ਤੋਂ ਪੂਰੀ ਤਰ੍ਹਾਂ ਨਾਲ ਵੈਕਸੀਨੇਟਿਡ ਸੀ। ਹਾਲੇ ਤੱਕ ਵਿਅਕਤੀ ਦੀ ਉਡਾਣ ਤੋਂ ਕਿਸੇ ਹੋਰ ਕੋਵਿਡ -19 ਸੰਕਰਮਣ ਦੀ ਪਛਾਣ ਨਹੀਂ ਕੀਤੀ ਗਈ ਹੈ। ਮੰਤਰਾਲੇ ਨੇ ਕਿਹਾ ਕਿ ਹੁਣ ਲਾਗ ਦੇ ਸਰੋਤ ਬਾਰੇ ਜਾਂਚ ਕੀਤੀ ਜਾ ਰਹੀ ਹੈ।
ਮੰਤਰਾਲਾ ਨੇ ਕਿਹਾ ਕਿ ਅੱਜ ਤੱਕ ਬਹੁਤ ਸਾਰੇ ਨਜ਼ਦੀਕੀ ਸੰਪਰਕਾਂ ਦੀ ਪਛਾਣ ਕੀਤੀ ਗਈ ਹੈ। ਮੰਤਰਾਲੇ ਨੇ ਕਿਹਾ ਕਿ ਜਿਨ੍ਹਾਂ ਦੀ ਜਾਂਚ ਕੀਤੀ ਗਈ ਸੀ ਉਨ੍ਹਾਂ ਨੇ ਨਕਾਰਾਤਮਿਕ ਟੈੱਸਟ ਵਾਪਸ ਕੀਤੇ ਹਨ। ਮੌਜੂਦਾ ਸਮੇਂ ਵਿੱਚ ਆਈਸੋਲੇਟ ਸਨ ਜਦੋਂ ਕਿ ਜਨਤਕ ਸਿਹਤ ਅਧਿਕਾਰੀ ਹੋਰ ਜਾਣੇ-ਪਛਾਣੇ ਨਜ਼ਦੀਕੀ ਸੰਪਰਕਾਂ ਦੀ ਪਛਾਣ ਕਰਨ ਅਤੇ ਸੰਪਰਕ ਕਰਨ ਦੀ ਪ੍ਰਕਿਰਿਆ ਵਿੱਚ ਹਨ। ਸੰਕਰਮਿਤ ਵਿਅਕਤੀ 26 ਅਤੇ 27 ਦਸੰਬਰ ਨੂੰ ਆਕਲੈਂਡ ਦੇ ਸੀਬੀਡੀ ਵਿੱਚ ਸਰਗਰਮ ਸੀ। ਉਸ ਨੇ ਜਿਨ੍ਹਾਂ ਥਾਵਾਂ ਦਾ ਦੌਰਾ ਕੀਤਾ ਗਿਆ ਉਨ੍ਹਾਂ ਵਿੱਚੋਂ ਇਮਪਾਲਾ ਨਾਈਟ ਕਲੱਬ ਵੀ ਸੀ। ਉਨ੍ਹਾਂ ਨੇ ਲੋਰਨੇ ਸੇਂਟ ਵਿੱਚ ਸੰਨੀ ਟਾਊਨ ਚਾਈਨੀਜ਼ ਰੈਸਟੋਰੈਂਟ, ਪੈਟਰਿਜ਼ ਜਵੈਲਰਜ਼, ਆਹੀ ਰੈਸਟੋਰੈਂਟ ਅਤੇ ਸੋਲ ਬਾਰ ਦਾ ਵੀ ਦੌਰਾ ਕੀਤਾ।
