ਵੈਲਿੰਗਟਨ, 18 ਨਵੰਬਰ – ਇੱਥੇ ‘ਰਗਬੀ ਲੀਗ ਵਰਲਡ ਕੱਪ’ ਦੇ ਕੁਆਟਰ ਫਾਈਨਲ ਮੁਕਾਬਲੇ ਵਿੱਚ ਫਿਜ਼ੀ ਨੇ ਨਿਊਜ਼ੀਲੈਂਡ ਨੂੰ 4-2 ਨਾਲ ਹਰਾ ਦਿੱਤਾ। ਕੀਵੀਆਂ ਨੂੰ ਉਸ ਵੇਲੇ ਝਟਕਾ ਲੱਗਾ ਜਦੋਂ ਕੁਆਟਰ ਫਾਈਨਲ ਵਿੱਚ ਮਿਲੀ ਇਸ ਹਾਰ ਨਾਲ ਨਿਊਜ਼ੀਲੈਂਡ ‘ਰਗਬੀ ਲੀਗ ਵਰਲਡ ਕੱਪ’ ਜਿੱਤਣ ਦੀ ਦੌੜ ਤੋਂ ਬਾਹਰ ਹੋ ਗਿਆ। ਇਸੇ ਦੇ ਨਾਲ ਹੀ ਨਿਊਜ਼ੀਲੈਂਡ ‘ਚ ਅੱਜ ਦਾ ਦਿਨ ਰਗਬੀ ਲੀਗ ਦੇ ਇਤਿਹਾਸ ਵਿੱਚ ਕਾਲੇ ਅੱਖਰਾਂ ‘ਚ ਦਰਜ ਹੋ ਗਿਆ। ਜ਼ਿਕਰਯੋਗ ਹੈ ਕਿ ਪਿਛਲੇ ਹਫ਼ਤੇ ਵੀ ਨਿਊਜ਼ੀਲੈਂਡ ਨੂੰ ਟੋਂਗਾ ਨੇ 28-22 ਦੇ ਫ਼ਰਕ ਨਾਲ ਹਰਾ ਦਿੱਤਾ ਸੀ। ਸੈਮੀ-ਫਾਈਨਲ ਵਿੱਚ ਫਿਜ਼ੀ ਦਾ ਮੁਕਾਬਲਾ ਹੁਣ ਆਸਟਰੇਲੀਆ ਨਾਲ ਹੋਏਗਾ।
ਇਕ ਹੋਰ ਕੁਆਟਰ ਫਾਈਨ ਮੁਕਾਬਲੇ ਵਿੱਚ ਟੋਂਗਾ ਨੇ ਲੈਬਲਾਨ ਨੂੰ 24-22 ਨਾਲ ਹਰਾ ਕੇ ਸੈਮੀ-ਫਾਈਨਲ ਵਿੱਚ ਥਾਂ ਬਣਾ ਲਈ ਹੈ।
ਅੱਜ ਖੇਡੇ ਗਏ ਕੁਆਟਰ ਫਾਈਨਲ ਮੁਕਾਬਲੇ ਦੇ ਪੂਰੇ ਸਮੇਂ ਵਿੱਚ ਸਕੋਰ ਫਿਜ਼ੀ 4 (ਅਪੀਸਾਈ ਕੌਰਾਇਸੌ ਗੋਲ, ਟੇਨਨੇ ਮਿਲੇਨ ਗੋਲ) – ਨਿਊਜ਼ੀਲੈਂਡ 2 (ਸ਼ੌਨ ਜੌਨਸਨ ਗੋਲ) ਰਿਹਾ, ਜਦੋਂ ਕਿ ਹਾਫ਼ ਟਾਈਮ ਵੇਲੇ ਸਕੋਰ 2-੦ ਸੀ।
